Жолтите елеци веќе 7 недели се на улица и не отстапуваат: Демонстрации ќе има и на новогодишната ноќ и во новата година

Ширум Франција и денеска се одржуваат протести на Жолтите елеци, кои и натаму се мобилизирани, соопштија од ова движење.

Веќе седма сабота по ред граѓани преку улични протести изразуваат спротивставување на политиката и мерките на претседателот Емануел Макрон.

Претставникот на ова движење Бенжеман Коши рече дека демонстрации ќе има и вечерта на пречекот на Новата година за да се покаже дека „мобилизацијата нема да биде завршена“ со почетокот на 2019 година, пренесе АФП.

 

Коши предупреди дека, доколку досегашните остапки на Макрон не бидат зголемени, кон крајот на јануари ќе следува „општа мобилизација“.