Жолтите елеци не се откажуваат, повторно се на улиците: Загина едно лице, булеварите блокирани, а власта се надева само на едно нешто

Во Франција денеска се случува шестиот по ред протест на Жолтите елеци. Затворени се патиштата и зголемена е бзбедноста на високо ниво. Власта се надева дека протестот ќе ослабе.

Ширум Франција, а посебно во Париз, неделава беа одржани насилни протести.

Поради блокадата од страна на „жолтите елеци“ загина едно лице.

Возач на автомобил загина утрово во јужна Франција кога со возилото удрил во камион на обиколка блокирана од „жолтите елеци“, соопштија локалните власти.

– Возачот, 36-годишен маж, загина во сообраќајна несреќа што се случи во близина на Перпиња, изјави полициски службеник.

Со ова бројот на смртни случаи поврзани со повеќенеделните антивладини протести се зголеми на десет.

Демонстрантите и денеска организираат протестни акции ширум земјата, како и секоја друга сабота, почнувајќи од средината на ноември.