Жителите на Виена ќе живеат подолго и ќе бидат поздрави
Градските власти во Виена, во соработка со 133 здравствени експерти во различни дисциплини од 62 институции, изработиле девет здравствени цели кои планираат да ги исполнат до 2025 година.
Животниот век на жителите на Виена до 2025 година треба да биде поздрав и подолг за една и пол година. Ваквиот план би се остварил врз основа на предлозите на Светската здравствена организација (СЗО) и земјите како што е Германија.
Целта на градот Виена е да го подобри здравјето на своите граѓани, без разлика на социјалното потекло и полот на жителите. Здравствените цели ќе бидат прилагодени за сите категории на населението (деца, младинци и бремени жени, работоспособни и возрасни лица). Децата и младите ќе бидат оптимално вклучени во превенцијата на болеста. На тој начин повеќе од половина деца на шест годишна возраст во иднина нема да имаат забен кариес.
Во училишните кујни ќе се служат помалку газирани пијалоци, а повеќе вода. Децата ќе имаат поголема физичка активност и здраво ќе се хранат. Стапката на породувања со царски рез исто така ќе биде намалена од 30 на 25 отсто. Виена ќе ја прошири интегрираната здравствена помош, при што центрите за примарна здравствена заштита ќе им помогнат на преполните амбуланти.
За сите возрасни групи ќе постојат понуди за психосоцијално здравје.
Виена, исто така, ќе се грижи и за социјално дискриминираните лица, луѓето со ниско ниво на образование и приходи со цел и тие да имаат пристап до новата здравствена програма на градот.
Ново на Сител
-
Најмалку 84 загинати во денешните израелски напади во Газа, соопштија палестински лекари
-
Алиу: Нема да даваме делумни информации за „кардиолошките случаи“, ќе ги соопштиме резултатите по целосното завршување на експертизата
-
Со повреда влегов во ринг - со вера ја освоив светската титула | Бобан Илиоски | Sitel Podcast 115
-
Писториус: Руски авион прелета над германска фрегата во Балтикот
-
Разбиена сириска мрежа: Парите од дрога ги претворале во златни прачки кои биле транспортирани и во Косово и во Македонија
-
Кремљ го обвини Трамп дека го принудува светот да купува скапи американски енергенси
-
По седум месеци „платен одмор“, отпуштените службеници во САД се враќаат на работа
-
Зеленски ги повика светските лидери на итна акција против Русија