Жбогар очекува да бидат спреведени реформите од Акцискиот план 3-6-9
Евроамбасадорот Самуил Жбогар при денешната посета на општините Челопек и Брвеница каде што вршеше увид на инфраструктурните објекти коишто се реконструираат со пари од Европската унија, изрази надеж дека новата Влада ќе ги спроведе реформите од акцискиот план 3-6-9 коишто вчера ги најави премиерот Зоран Заев.
- Тоа што е добро е тоа што Владата излезе со реформи, меѓутоа тие реформи сега веќе не се усмени, туку и тие реформи се ставени на хартија. Се разбира, овој оптимизам дека ќе бидат спроведени тие реформи треба да го видиме во првите три месеци како што и најави Владата. Јас можам да кажам дека со формирањето на новата Влада се создаде нова надеж и нов оптимизам како кај луѓето коишто живеат во Македонија, така и кај земјите од Европската унија. Сметам дека Владата ќе успее да испорача некои работи коишто би ја придвижиле земјата кон евроатлантските интеграции, изјави Жбогар.
Инаку, евроамбасадорот Жбогар денеска беше во посета на општина Брвеница каде изврши увид на реконструкцијата на патот Челопек – Милетино, а исто така беше и во селото Гургурница кое припаѓа под општина Брвеница каде заедно со градоначалникот на Брвеница Енвер Пајазити ја посетија реконструкцијата на основното училиште во ова село.
Ново на Сител
-
Поради пожарите затворен за сообраќај патот Неготино-Штип
-
Најтопло во Велес и Демир Капија, портокалова фаза до крајот на седмицата
-
Момче загина по пад од оџак
-
ЈО: Убиство со умисла во Македонски Брод, 21-годишник убил војник
-
80-годишен кавадарчанец лажно се претставувал како градоначалник
-
Земјотрес од 2 степена по Рихтер регистриран во Скопје
-
ЕУ распореди четири хеликоптери и три авиони во земјава како помош за гаснење на пожарите
-
МОН: Се изработуваат шест закони од областа на образованието