Зголемено нивото на бучава во Куманово
Најбучна крстосница во Куманово и во дневните и ноќните часови е во близина на Реонскиот пазар на булеварот „Окомвриска револуција“, а најтивка е во населбата „Гоце Делчев“ во близина на „Турска Пекара“, покажуваат податоците од мерењето на бучавата што го извршија стручните екипи од кумановскиот Центар за јавно здравје. Генерално нивото на целодневната бучава во Куманово е зголемено од пет до десет децибели во однос на утврдените граничните вредности.
- Има отстапувања на сите мерни места, пет во втората зона и пет во третата, изјави, специјалистот по комунална хигиена, доктор Мимоза Величковски.
За втората зона е карактеристично што се лоцирани домаќинства и објекти од примарна здравствена, детска заштита, во третата има и индустриски објекти и утврдена е повисока вредност на бучавата.
Мерењата на бучавата Центарот за јавно здравје и општина Куманово ги спроведуваат два пати годишно со што се опфаќа комуналната бучава (сообраќај, угостителски објекти, градежни активности...). Министерството за животна средина и просторно планирање ги одредува локациите каде се мери бучавата.
Непријатните звуци влијаат врз здравјето на граѓаните од степен на вознемиреност, до несоница и проблеми со кардиоваскуларниот систем. Особено чуствителни се најмладите и највозрасните.
Ново на Сител
-
Акциска контрола на СВР Скопје и Државниот инспекторат за транспорт, изречени 38 санкции
-
Биди храбар, успехот ќе се случи | Филип Поповски | Личен развој | Sitel Podcast 091
-
Определени мерки за претпазливост за шест од вкупно седум полициски службеници осомничени за пожарот во Кочани
-
Избрана е новата Влада на Србија, Ѓуро Мацут - нов премиер
-
Обвинителство: Се прибираат докази во истрагата за пожарот во „Пулс“, издадени наредби за вештачење на над 70 мобилни телефони и 30-тина компјутери
-
Шестмина полициски службеници за кои се бараат мерки за претпазливост во врска со пожарот во Кочани изведени пред судија на претходна постапка
-
Четворица осомничени за тешки кражби од објект на ЈП МЖ Инфраструктура – Скопје
-
Манифестација „Шарено велигденско јајце“ во штипскиот Центар за култура