Земјотрес утрово почувствуван во Македонија

Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, денеска регистрира земјотрес чии епицентар се наоѓа во соседна Грција.

Овој земјотрес се случи во 05 часот и 40 минути со Рихтерова локална магнитуда 3.8. Истиот беше почувствуван во југоисточните делови на Македонија со интензитет од IV степени според Европската макросеизмичка скала.

Од вчера до денеска многу земјотреси се регистрирани на Балканот. Денеска потреси има во Турција, во Италија, како и во Албанија. Во Албанија потресот е со јачина од 2,8 степени. 

Регистриран е нов потрес во Грција со јачина од 3,6 степени.