Земјоделците од Струмичко задоволни од откупните цени на пиперката „ајварка“
Во Струмичко деновиве почна бербата и на отворено на пиперката „ајварка“ од сортата „куртовска капија“. Иако од отворено се берат мали количини, сепак земјоделците се задоволни од откупните цени.
Откупната цена за прва класа пиперка во преработувачките капацитети се откупува од 30 до 35 денари за килограм, а втората од 20 до 25 денари.
Засега освен преработувачите, „ајварката“ ја откупуваат и трговците во гајби по цена од 30 до 40 денари за килограм во зависност од квалитетот.
Според производителите ова е период кога се совпаѓа бербата на „ајварката“ под пластеници и на отворено, а шпицот го очекуваат околу средината на месецот, кога масовно се подготвува ајварот.
– Задоволни сме од откупните цени и се надевам дека такви ќе останат. Иако, бербата од пластениците е доминантна, сепак некои производители почнаа и со берба на отворено. За неколку денови таа ќе се интензивира и очекувам да нема никаков проблем со откупот, рече Бончо Божиков, производител на „ајварка“ од село Дабиле.
Инаку, од година во година производството на оваа пиперка се намалува, а годинава на тоа влијаеја и екстремно високите температури. Штети и намалување на приносите има кај оние производители кои навреме не ги наводнувале посевите, а според досегашните сознанија производството на „ајварката“ е помало од лани за околу 10 отсто.
Ново на Сител
-
83-годишник од струмичко со мотоцикл паднал на коловозот и тешко се повредил
-
Железничката станица нема да биде турбофолк-хаб и рекламно пано, Ивановски најави реконструкција
-
19-годишник од Скопје во период од 18 дена украл велосипеди и електрични тротинети во вредност од 170.000 денари
-
Уапсени родители од Дебар, ја терале малолетната ќерка да питачи
-
По седум месеци лекување утрово почина Панчо од ДНК
-
Фон дер Лајен најави отворање „фабрики за вештачка интелигенција“ во Македонија и во Србија
-
Престанувањето со пушење го забавува губењето меморија и подоцна во животот
-
Уништувањето на шумите се забрзува: За една година загубена површина со големина на половина Англија