Зеленски со порака до ЕПЗ: Украина треба да победи за да спречи руските тенкови да стигнат до Варшава или Прага

Украинскиот претседател Володимир Зеленски денеска побара од европските лидери уште оружје за да ги спречи руските тенкови да стигнат до Варшава или Прага, пренесоа француските медиуми.    

Зеленски изјавата ја даде седум месеци откако руските сили ја нападнаа Украина. -Мораме да го казниме агресорот, рече тој во видео пораката–на денешната прва средба на 44-те европски лидери кои во Прага се собраа на првиот самит на Европската политичка заедница.

„Оваа војна мора да се добие сега за руската флота да не може да ги блокира останатите пристаништа во Црното Море, Медитеранот или кое било друго море. За да не можат руските тенкови да напредуваат кон Варшава или Прага“, нагласи украинскиот лидер.