Зеленски сака во Париз да зборува за роковите за враќање на контролата врз Донбас
На претстојната средба на „нормандската четворка“ (Русија, Германија, Франција и Украина) во Париз украинската страна планира да го постави прашањето за враќање на целата територија на Донбас под контрола на Киев. Ова денеска го изјави украинскиот претседател Володимир Зеленски на заедничкиот брифинг со чешкиот премиер Андреј Бабиш.
-Сакам да зборувам за враќање, деокупација на Донбас, во некакви повеќе или помалку конкретни рокови. Ќе зборувам за тоа, ќе поставувам прашања, рече Зеленски, цитиран од Тасс.
„Има сериозни прашања кои се поврзани со безбедноста, има хуманитарни прашања, социјални, има прашања поврзани со локалните избори, за можностите за кои ние треба да зборуваме откако таму (во Донбас) нема да има никакви незаконски воени формации“, забележа Зеленски.
Тој додаде дека планира да го постави и прашањето за роковите за размена на заробеници.
Украинскиот претседател подвлече дека Киев „се подготвува многу сериозно за оваа средба“ и дека сака на овие преговори да се постигнат „реални резултати“.
Средбата на врвот е планирана за 9 декември во Париз.
Ново на Сител
-
Ангелов: Активен тежок пожар во ловиштето „Јасен“, дејствуваат два полициски и еден армиски хеликоптер
-
Во Албанија активни 30 пожари, пет се најкритични
-
Лото - игра на среќа со семејна традиција, ритуал во кој среќните броеви ни поттикнуваат надеж
-
Уапсен 19-годишник во Куманово, со него затекнато 14-годишно девојче пријавено за исчезнато
-
Приведени двајца росоманци, пријавени за закани кон градоначалник на Кавадарци и неговото семејство
-
44-годишник си ја истепал сопругата и нејзиниот малолетен син
-
Во сообраќајка на патот Куманово-Свети Николе, повредени неколку лица меѓу нив и тримесечно бебе
-
ЈП Водовод и канализација: Апел до скопјани за рационално користење на водата за пиење