Зечевиќ: Делото на Свети Климент е темел и водилка за македонскиот народ
Генералниот секретар на СДСМ Миле Зечевиќ упати честитка до сите православни верници по повод христијанскиот празник Свети Климент Охридски.
,,Во мое лично име и во името на Социјалдемократскиот сојуз на Македонија, Ви го честитам 8-ми Декември, големиот христијански празник – Св. Климент Охридски.
Денеска, му оддаваме почит на основачот на првата Охридска книжевна школа, човекот кој на чие дело и посветеност се раѓа словенската литература, на првиот словенски епископ и втемелувач на Охридската архиепископија – Св. Климент Охридски.
Благодарение на трудот на Св. Климент Охридски кој целиот свој живот го посветил на создавање на македонската и сесловенската литература и писменост, денес, сите сме горди на нашето писмо – кирилицата, составен дел на нашиот македонски идентитет.
Ликот и делото на Св. Климент Охридски плени со својата духовност и значење и денес, а неговите вредности, неговото дело се темел, водилка за македонскиот народ и Македонската православна црква, конечно признаена од православниот свет.“ стои во честитката.
Центар за комуникации со јавноста на СДСМ
Ново на Сител
-
Приведен криминалец од Штип, осуден на 6 години и 4 месеци казна затвор
-
Средба на градоначалникот на Кисела Вода со германскиот в.д. амбасадор Граф
-
ТАВ: „Ер Србија“ ќе ја обнови авиолинијата Белград – Охрид од јуни 2023
-
Стоилковски: Со Ковачевски и Ахмети наместо во ЕУ, Македонија отиде во друштво со Суринам, Индија и со Тунис
-
Сообраќајна незгода во подножје на Кожуф планина кај месноста Мушов гроб
-
Државата нема никакви ингеренции во делот на јавниот превоз, вели Ковачевски
-
Ковачевски: МВР согласно Законот за странци одредува кој може да влезе во државата
-
НБ: Во декември зголемена просечната каматна стапка на кредитите во корпоративниот сектор