Заврши конкурсот за „Градски парк“, пристигнати 15 трудови
Заврши конкурсот за избор на идејно решение за повеќенаменска спортска сала „Градски Парк“, кој го распиша Oпштина Центар.
По барање на архитектите, рокот беше продолжен и конкурсот траеше 60 дена.
Како што информира Општина центар, пристигнати се 15 трудови, а жири комисијата во состав: професор од Архитектонски факултет, член на Асоцијацијата на архитекти и тројца вработени во Центар, деновиве ќе ги оценуваат трудовите и јавноста ќе биде транспарентно известена. По ова, Општина Центар ќе организира изложба на наградените.
Добитникот на првата награда за избрано наградно решение ќе добие 300.000 денари, второнаграденото дело 180.000 денари, а третонаградениот 120.000 денари.
Комисијата ќе ги цени трудовите според однапред утврдени критериуми: оригиналност, креативност, инвентивност, функционалност, естетика.
Општина Центар ќе гради повеќенаменска спортска сала со капацитет до 3000 седишта, што, како што истакнуваат, ќе ги задоволи меѓународните стандарди за современо спортување на европско и светско ниво.
Ова е трет проект од ваков тип со кој се бираат најдобрите трудови и се мотивираат архитектите. Досега транспарентно, на конкурс, се избрани најдобрите трудови за новото основно училиште во Капиштец и за објектот „Езерце“.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година