Заврши амандманската расправа за Предлог-Деловникот на Собранието

Членовите на Комисијата за деловнички и мандатно - имунитетни прашања синоќа ја завршија амандманската расправа за Предлог - Деловникот на Собранието на Република Северна Македонија.

Според информациите од Собранието, прифатени се околу 12 амандмани од 1965 колку што поднесоа пратеничките групи и Левица. Предлог-Деловникот се очекува да биде ставен на дневен ред на новата седница закажана за 20 ноември. 

Предлагач на Предлог-Деловникот е претседателот на Собранието Талат Џафери, а тој е резултат на неколкугодишни разговори помеѓу пратеничките групи од минатиот и овој перламентарен состав во рамки на „Жан Моне“ процесот.