Затвореници во штипскиот затвор се затвориле во просторија бидејќи им биле одземени мобилни телефони
Петмина осуденици вчера околу 18 часот во затворот во Штип се затвориле во една од собите за дневен престој во првото затворско крило. Раководството на затворот претпоставува дека причина за револтот била тоа што претходно околу 15: 30 часот, вработените од затворот при претрес им пронашле три мобилни телефони и пет сим картички.
Осудените лица кои вчера се затвориле во просторијата, се снимале и со мобилен телефон, кој не бил најден при претресот, а снимката е веќе објавена на социјалните мрежи.
Директорот на затворот во Штип, Мики Тодоров за МИА ја потврдува вчерашната случка и вели дека согласно Законот, на осудениците им е забрането да имаат мобилни телефони.
-Осудениците ништо не сакаа, туку на овој начин го изразуваа револтот. Ние како раководство гледавме на смирен начин, без употреба на физичка сила да се реши целата ситуација. Со нив преговаравме околу два часа, за на мирен начин да излезат и ја отворат вратата, да нема некакви последици, бидејќи повикување на бунт е казниво од шест месеци до три години затвор, вели Тодоров.
Тој истакна дека некои од осудените лица додека биле во дневниот престој се самоповредиле со жилет или стакло, по што откако излегле од просторијата, им е дадена медицинска помош. Во текот на денешниот ден осудентите лица треба да дадат изјави за вчерашниот настан.
Тодоров ги негира и тврдењата на еден од осудениците дека немаат накакви права. Според Тодоров, затворениците ги имаат сите права, а поседувањето на мобилен телефон е строго забрането во затворските установи.
-Доколку им се нарушени правата, осудените лица слободно ги упатувам да напишат претставка до Народниот правобранител, за да се утврди дали им се нарушени или не правата, изјави Тодоров.
Ова е прв ваков случај во штипскиот Затвор, откако за директор е поставен Мики Тодоров. Пред неколку години во овој затвор имаше изразување на револт од страна на осудени лица, качувајќи се и седејќи на кровот од затворот.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево