Започна спасувачката акција нa децата од пештерата: 18 храбри нуркачи од целиот свет без страв тргнаa во опасно смртоносната мисија

Спасувачката мисија, со која треба да бидат извлечени момчињата и нивниот тренер од пештерата на Тајланд има најголеми шанси да биде успешна доколку се изведе во следните три или четири дена, изјави шефот на спасувачката операција Наронгсак Осотанакорн.

 

 

„Моменталната ситуација, со нивоата на кислород и вода, како и состојбата на момчињата, се најдобри до сега... Нивното наоѓање беше само мала победа“, кажа Наронгсак.

 

Тој додаде дека спасувачите водат војна и со времето и со метеоролошките услови, бидејќи денес се очекува почетокот на сезоната на монсуните, а со тоа и обилни дождови, пренесува Си-би-ес.

 

Се оценува дека пораката на Наронгсак влева нова надеж, еден ден откако еден од спасувачите загина нуркајќи во пештерата, од недостиг на кислород.

 

Момчињата успеаја да искомуницираат со своите семејства, од кои многумина седат пред влезот на пештерата. Заедно со ниц се и тајландските морнарички специјалци, војници и локални доброволци. Се проценува дека спасувачката операција се спрема за утре или за во понеделник.

 

Властите го засилија безбедносниот кордон околу пештерата и навлечени се пластични прекривки околу влезот, што може да значи дека спасувачката мисија може да почне во секој момент, пишува Ројтерс, истакнувајќи дека овие информации се непотврдени.