Започна Ликовната колонија „Свети Пантелејмон“
На Пониква денеска започна петтото издание на Ликовната колонија „Свети Пантелејмон“ коешто годинава е дел од меѓународната стопанско-културна манифестација „Денови на кочанскиот ориз“.
- На падините на Осоговските Планини, на Пониква, творат 14 учесници на возраст од 14 до 18 години, талентирани ученици и студенти по ликовна уметност од Неготино,Скопје, Кавадарци, Кочани, Прилеп и Куманово. До сабота, 15 октомври, тие имаат задача да изработат по две дела во акрилна техника, главно со мотиви од местото каде што престојуваат. В сабота претпладне ќе работат покрај кејот на Кочанска Река, каде што ќе имаат средба и со делегациите-гости на манифестацијата. Очекуваме плодна и успешна работа и убави дела и од ова издание на Ликовната колонија, соопшти Александра Димитрова, под чие менторство се одвива Колонијата.
Делата на младите уметници ќе бидат изложени пред кочанската публика в недела, на 16 октомври, во Паркот на Револуцијата, каде во рамки на „Деновите на кочанскиот ориз“ ќе бидат изложени етноелементи и концерт ќе одржи групата „Љубојна“ со Џамбо Агушев.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава