Започна изградба на повеќенаменско игралиште во кривопаланечка Конопница

 

- Започна изградбата на повеќенаменско спортско игралиште кое е финансирано од страна на Агенцијата  за млади и спорт. Игралиштето е дел од Проектот „Изградба на 100 повеќенаменски игралишта“, а за изградбата на овој терен се обезбедени средства од околу шест милиони денари, изјави Никола Граматиков, раководител на Одделението за изградба и одржување во општина Крива Паланка.

 

Според него, теренот ќе можат да го ползуваат жителите од Конопница и околните места кои гравитираат во овој реон.

 

- Изградбата на повеќенаменското спортско игралиште е добра за развој на младите кои ќе добијат можност во секое време да спортуваат и да се рекреираат на современ и опремен терен, но и жителите на Конопница и околината не ќе мора да патуваат до градот да го сторат истот, рече Граматиков.

 

Ова е второ повеќенаменско спортско игралиште во Крива Паланка финансирано од страна на Агенцијата  за млади и спорт. Еден терен од Проектот „Изградба на 100 повеќенаменски игралишта“ е веќе изграден и пуштен во употреба во 2014 година.