Заменик-министерот Максути на отворање на реновираното ОУ „Дрита“ во село Рашче

Заменик-министерот за одбрана на Република Македонија, Беким Максути денеска учествуваше на свеченото отворање на реновираното основно училиште „Дрита" во селото Рашче, општина Сарај.

Овој проект, соопшти денеска МО, се реализира во рамки на проектот на УСАИД и Националната гарда на Вермонт. Целта на овој проект е меѓуетничка интеграција во образованието и се спроведува од страна на Македонскиот центар за граѓанско образование.

На свеченото отворање на реновираното училиште присуствуваше и генерал-мајор Стивен Креј, од Националната гарда на Вермонт, САД, кој се наоѓа во официјална тридневна посета на Македонија.