Заложничка криза во Германија: Жена упаднала во клиника, запалила факел и се заканувала
Голема полициска и противпожарна акција е во тек во болницата Лујзен во Ахен, Германија, каде според првичните информации од полицијата, наводно вооружена жена им се заканувала на неколку лица во клиниката, јавија германските медиуми.
Областа е опколена со вооружена полиција со шлемови, панцири и автоматски пушки, а улиците се затворени. Специјални единици од Келн се на пат кон локацијата.
Се наведува дека жената запалила пиротехника и голем облак чад ја наполнил клиниката. Според БИЛД, непозната жена запалила факел во операциона сала.
Таа потоа се забарикадирала во соба за пациенти и засега не е јасно дали имало други луѓе во собата.
Полицијата се уште не може да каже која е точно вооружената, ниту на кого му се заканува. Исто така, не е јасно дали има повредени.
Станува збор за протестантска болница со 378 кревети и дванаесет специјалистички одделенија. Во болницата работат околу 1.600 вработени.
Во моментов се расчистуваат делови од клиниката, а пациентите се преместуваат.
Како што пренесува „Ахенер цајтунг“, од зградата се изнесуваат вознемирени лица.
Полицијата ги повикува луѓето да ја избегнуваат областа околу болницата Лујзен.
Ново на Сител
-
Со автомобил удриле во бетонски ѕид, 80-годишен сопатник загина a возачот е тешко повреден
-
Таравари: Се анализира работата на директорите во јавното здравство
-
До четврток стабилно и релативно топло време
-
Отворен jавен повик за доделување финансиска поддршка за нови дестинации од аеродромите во земјава
-
Прегазена скопјанка, возачот избегал од местото на несреќата
-
Тажна вест: Ненадејно почина кошаркарскиот делегат Ерхан Ќахил - Еко
-
УЈП: Закуподавачите да го пријават приходот остварен од издавање имот
-
Триесетдневен притвор за терористичката група од Струга и Гостивар која планирала терористички напади