Законските измени за интервентен откуп на оризот го поминаа првиот собраниски филтер
Собраниската Комисија за земјоделство, шумарство и водостопанство денеска едногласно го поддржа Предлог – законот за изменување и дополнување на Законот за земјоделство и рурален развој кој треба да се донесе по скратена постапка.
Со измените, како што стои во предлог-текстот, ќе се овозможи мерките за стабилизација
на пазарот, пред се интервентниот откуп, да се применуваат не само за пченицата, туку и за
оризот.
-Поради катастрофалната состојба во која се наоѓаат оризопроизводителните, неопходна е измена на Законот. Состојбата во оризопроизводството се наоѓа во критична фаза, за што е потребно кон оваа
земјоделска култура државата да има посебен однос. Со опфатот на оризот како стратегиска земјоделска култура ќе се обезбедат доволни количини за потребите на населението и задоволување на пазарот во состојба на глобална прехрамбена криза. Воедно, ќе се овозможи на поедноставен начин да функционира пазарот, со што ќе се олесни откупот на оваа земјоделска култура и ќе се одбегнат ценовните шпекулации, рече пратеничката од СДСМ Даниела Колева, образложувајќи ги измените.
По денешното усвојување во матичната собраниска Комисија, Предлог – законот за изменување и дополнување на Законот за земјоделство и рурален развој треба да се најде на пленарна седница.
Ново на Сител
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце
-
Засилени царински патроли на Охридско Езеро: Целосна контрола на пловните објекти за спречување криминал и избегнување на давачки
-
ЈП Водовод и канализација – Скопје: Повторно енормно зголемена и неконтролирана потрошувачка на водата
-
УХМР: Денеска до 43, од утре и следната недела пониски температури, нестабилност со пороен дожд и грмежи