Заев: Шаќири може да помогне бидејќи во минатото покажал дека ја знае состојбата на целиот терен
Советниците не добиваат сертификати за класифицирани или безбедносни информации, изјави премиерот Зоран Заев денеска одговарајќи на новинарско прашање во врска со тоа дали ваков сертификат ќе добие и советникот Џезаир Шаќири.
- Ова лице има информации од целиот терен. Во минатото се покажало дека ја знае состојбата на целиот овој терен на северната граница на Македонија и верувам дека може да помогне, рече Заев по завршувањето на денешното рочиште за предметот на СЈО „Поткуп“ во кој тој е обвинет.
Заев посочи дека за сите советници ангажманот е една година и оти за време на тие ангажмани ќе се покажат дали некој ќе даде резултати или не. Секако, како што додаде, доколку не дадат резултати јас ќе помогнам и на други места да работат.
Верувам, рече Заев, дека преку концептот „Едно општество за сите“ можам да придонесам во попуштање на тензијата во ова наше општество.
- Бошкоски и Шаќири беа од различна страна на нишаните. Сега работат за својата Република Македонија и ако вака гледаме на работите можеме сите да бидеме порастоварени и да знаеме дека шанси заслужува секој во државава, истакна Заев.
Конечната цел, како што додаде тој, е да направиме пријатно општество во кое ќе биде вредно да се живее.
Ново на Сител
-
„Тајмс оф Израел“: Нетанјаху побарал од Трамп да не ги укинува санкциите за Сирија
-
Собранието го донесе Законот за енергетика, за Божиновска тоа е еден од најважните
-
Зеленски: Не сум разговарал со Венс од кавгата во Белата куќа
-
Холандија и Данска се најдобри земји за деца
-
Приведен 61-годишник, при претрес на неговиот дом најдени се пушки, пиштол и куршуми различен калибар
-
Филков: СДСМ е последна партија што има право да зборува за реформи во правосудството
-
Кремљ со реакција на изјавата на Макрон: Нуклеарното ширење не е решение за Европа
-
Претседателот на Европскиот совет Антонио Кошта утре во Скопје