-->
-->
Заев: Овој историски момент е поголем од сите нас, се работи за иднината на нашите деца
-->
На 30 септември, на референдумот, ние одлучуваме. Овој историски момент е поголем од нас, од нашите партии, кавги или лични интереси. За иднината на нашите деца се работи. Да излеземе сите на референдумот, за европска Македонија, наведува меѓу другото премиерот Зоран Заев во видео обраќањето до граѓаните во пресрет на референдумското изјаснување на 30 септември.
- Независност и слобода. Тоа се стремежите за кои нашиот народ се бореше низ славното минато. 8 септември деведесет-и-првата (91-та), беше остварување на тој идеал, историски ден кога граѓаните, на референдум, избраа иднина во своја, самостојна и независна држава.
Тогаш имав 17 години и знаев дека местото на Македонија е со западниот, со демократскиот свет, во Европа. Од тогаш поминавме низ многу тешки моменти, а некои од нашите најголеми соништа, до ден денес, останаа неисполнети.
Народе мој, време е!
Време е да бидеме храбри и да гледаме кон иднината!
Денес, кога сите заедно стоиме пред најголемиот предизвик во историјата на нашата земја, имаме единствена можност да ја зграпчиме оваа историска шанса, овој втор референдум кој ќе ја зацврсти нашата независност и да кажеме да, за стабилна и сигурна иднина, за иднина во Европа.
На 30 септември, на референдумот, НИЕ одлучуваме. Нашиот пат не е лесен, но добро знаеме што добиваме. Знаеме дека сме свои на своето, Македонци кои зборуваат признаен македонски јазик, граѓани кои се определуваат за подобар живот, со повисоки приходи, за добри работни места. Сето тоа во нашата убава Македонија, безбедна, сигурна, мирна, пријателска и стабилна. Европска.
Во преговорите и со договорот ние ги зачувавме нашиот јазик и националност, нашата култура, ја зачувавме и нашата историја. Но, со успешен референдум ние како држава ќе ја осигуриме засекогаш и нашата иднина, наведува премиерот Зоран Заев во видео обраќањето до граѓанитре на Република Македонија.
-->
-->
-->
Ново на Сител
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор