Заев: Нема да успеат обидите на ВМРО-ДПМНЕ да шират лаги и притисоци врз граѓаните
Нема да успеат обидите на ВМРО-ДПМНЕ да рашират лаги, стравови и притисоци врз граѓаните на Република Македонија, а в недела ќе се спроведат историски избори на кои граѓаните ќе бираат меѓу живот и режим, порача денеска од Струмица Зоран Заев, претседателот на СДСМ и носител на кандидатската листа на СДСМ и коалицијата во ИЕ 4.
Тој им посочи на граѓаните да знаат дека гласањето е тајно, уставно загарантирано право.
- Никој не знае за кого ќе гласате. Нема камери позади параванот. Тоа е факт. Таму сте сами, вие и вашата одговорност и совест. Ако сте корисник на социјална помош и ако гласате за промени, доаѓа подобар живот за сите вас. Ќе си ја задржите социјалната помош и таа ќе расте. Ако сте пензионер и ако гласате за промени, вашата пензија ќе расте редовно, онака како што ќе растат платите на сите други граѓани, рече Заев.
Потонцира дека ќе растат и субвенциите за земјоделците, а на административците им рече дека нема да ги изгубат работните места, без разлика на кого ќе го дадат нивниот глас.
- Конечно, нема федерализација. Тоа е уште една лага на Груевски. Но, ќе има конфискација на криминално стакнатите имот и пари, ќе има враќање на парите кај вас, граѓаните, рече Заев.
Побара масовно и сплотено гласање на изборите в недела, како што рече, со една цел - за живот во Македонија.
Ново на Сител
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции
-
Поради сообраќајка во прекин сообраќајот на патот Струмица - Валандово
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут