Заев: „Најдоброто“ носи јасна идеја и план за развој на секој град и на целата држава
„Најдоброто” носи јасна идеја и јасен план за развојот на секој град, на секое населено место, на целата држава, а од другата страна, ДПМНЕ нуди огромна неизвесност, ризик, опасност и закана, за враќање во темното минато, порача денеска премиерот и лидер на СДСМ, Зоран Заев од Демир Хисар на стартот на кампањата „Најдоброто за мојата општина“ на Коалицијата предводена од Социјалдемократскиот сојуз.
– На овие избори СДСМ и коалицијата ја има најдобрата понуда на домашната политичка сцена. Нашата најдобра понуда значи постојана отворена комуникација меѓу градоначалникот и вас, граѓаните, но значи и заедничко одлучување. Најдобрата понуда значи зелена агенда како врвен приоритет, брз локален економски развој и инфраструктурни инвестиции во сите општини и региони за рамномерен развој, нагласи Заев.
Тој потенцира дека голем дел од општините во изминатите четири години беа предводени од кадри на СДСМ, кои работеа посветено, вредно и напорно и таа силна динамика мора да продолжи.
– Служењето на граѓаните продолжува, а победата на овие локални избори ќе биде потврда и за политиките на централно ниво. Изборот на Најдоброто на овие избори, ќе ја повтори определбата на граѓаните да живеат во модерна европска земја, пријател на регионот и светот, истакна Заев, додавајќи дека овие избори се важни и за, како што рече, „неодговорната опозиција да не добие можност повторно да прави штета на локално ниво“.
Заев потенцира дека граѓаните одлучуваа на 17 октомври и со гласот за коалицијата предводена од СДСМ избираат „заедништво и развој, наспроти поделби и минато.
– На 17 октомври бираме отворени општини, ваши, наши. Убеден сум дека и овој пат ќе направите мудар избор и ќе одберете да продолжи развојот, да продолжи напредокот со СДСМ и коалицијата. Во Демир Хисар победува Најдоброто со Стевче Митревски. Во цела држава победува Најдоброто со Социјалдемократскиот сојуз на Македонија, нагласи Заев во обраќањето на промоцијата на кандидатите за градоначалник и членови на Советот на Општина Демир Хисар на коалицијата предводена од СДСМ.
Ново на Сител
-
Голем пожар во Карпош, зафатени повеќе куќи
-
11-годишно дете се бори за живот по тешка сообраќајка на патот Прилеп–Градско
-
ЦУК: Активни осум пожари, 12 изгаснати, еден ставен под контрола
-
На „Табановце“ и „Богородица“ се чека околу еден час
-
Сиљановска-Давкова: „Галичка свадба“ ја отсликува македонската народна традиција и култура
-
Мицкоски: Автопатот кон Охрид со години беше симбол на застој- сега ќе биде симбол на успех и одговорна работа
-
Убиецот ги поканил роднините на гости, инсистирал да присуствува и детето - Расчистено е тројното убиство
-
Мицкоски присуствуваше на епископската хиротонија на архимандритот Георгиј