Заев на средба со Еуростат: Квалитетни статистички податоци важни за спроведување одржливи политики
- Претседателот на Владата на Република Македонија, Зоран Заев денеска се сретна со високи претставници на Еуростат, директорот на Директоратот А во Еуростат, Питер Еверарс, тим лидерот за земјите кандидатки за членство задолжен за Македонија и Албанија, Торбјорн Карлкуис, амбасадорот на ЕУ во Македонија, Семуел Жбогар и директорот на Државниот завод за статистика на Република Македонија, Апостол Симовски.
Како што соопшти владината прес-служба, на средбата со високите претставници од Еуростат се разговараше за предизвиците во областа на статистичките истражувања и за важноста на квалитетот на статистичките податоци како предуслов за спроведување на долгорочни одржливи политики како и за препораките на Европската Комисија во последниот извештај во кој Македонија доби чиста препорака за почеток на претпристапни преговори со ЕУ.
Претставниците на Еуростат ги пренесоа европските искуства и пракси и разменија мислења за моделите на спроведување попис на населението во Република Македонија, кој би ги исполнил меѓународните пропишани стандарди и би одговорил на очекувањата за обезбедување на квалитетни статистички податоци.
- Премиерот Заев ја потенцираше заложбата на Владата на Република Македонија да ја гарантира професионалноста и независноста на институциите како што е Државниот завод за статистика и да ги насочува институциите да го унапредат своето работење согласно европските стандарди, стои во соопштението.
Ново на Сител
-
Тема на денот со Тања Стојановска Иванова, социолог
-
Пожарот на Серта се уште активен, Кризниот штаб бара војници на АРМ да се вклучат во гаснењето
-
Малолетниците во свесна состојба
-
Како настанале модринките на раката на тримесечно бебе - медицинска сестра од детска ќе дава исказ во понеделник
-
ВЛЕН бара кривична одговорност за настанот со повреденото бебе
-
Дел од политичките партии со осуда за молитвата во Собрание, од Вреди се правдаат дека не била на редовна седница
-
Анализа: Ќе се воведе ли едносменска настава во сите училишта во Македонија
-
До октомври можеби Прилеп ќе добие спортска сала