Заедничката операција Змеј се спроведува во 60 држави

Законодавни органи од повеќе од 60 држави во координација и со поддршка од Европол и Фронтекс, здружено спроведуваат операција Змеј против организирани криминални групи и нивни инфраструктури ширум Европската унија, соопшти денеска Европол.

Операцијата Змеј е четврта заедничка операција, која има за цел спроведување на законите во рамки на циклус на политика на ЕУ против организиран криминал во ЕУ и светот, во чии рамки од 5 јуни до 20 октомври 2017 година се спроведени акции на стотици локации.  

Операцијата е насочена кон криминални активности поврзани со измама со платежни картички, илегалната имиграција, кибер криминалот, трговија со синтетички дроги, како и кокаин, хероин, трговија со огнено оружје, фалсификување евра, организиран имотен криминал, акцизни измами и трговија со луѓе.