Зачестија пожарите на отворено во Струмичко

За три дена во Струмичко се регистрирани три пожари на отворено во атарите на две соседни села-Баница и Водоча, информираат од Територијалната против пожарна единица на Струмица.

-Во петокот, саботата и неделата учествувавме во гаснење на три пожари кои зафатија сува трева, грмушки, дрвја, пластеници и лозови насади. Вкупно во пожарите изгоре површина од три хектари, односно секој ден гореше по еден хектар, дополнуваат од ТППЕ-Струмица.

Пожарникарите апелираат до граѓаните да се воздржат од палење плевел и други растителни отпадоци, како и земјоделски отпад на земјоделско земјиште поради порастот на температурите во наредниов период.