Забранети посетите на Детската клиника во Скопје
Од денеска забранета е посета на пациентите кои се лекуваат на Клиниката за детски болести, поради опасност од ширење на коронавирусот. Од Детска клиника соопштија дека откако се потврди првиот случај на забален од коронавирусот, забранет ќе биде влезот и за родителите на децата кои се лекуваат, јавува СДК.
„Најстрого ја забрануваме посетата на малите пациенти. Ги замолуваме роднините на децата кои се хоспитализирани, да имаат разбирање за оваа одлука, да не инсистираат на влез, бидејќи здравјето и безбедноста на детето е поваќно од сѐ. Вратарската служба нема да допушти влез на ниту едно лице кое не е хоспитализирано со дете. Се замолуваат и родителите кои веќе лежат на Клиниката со своите малечки, без нужна потреба да не ја напуштаат клиниката, и да ги превземат сите мерки на заштита“, велат од Клиниката за детски болести.
Попладнево министерот за здравство Венко Филипче соопшти дека во Македонија е регистриран првиот случај на заболен од коронавирусот. Станува збор за 50-годишна жена, која еден месец била во посета на Италија. Таа се наоѓа во одделот за изолација на Инфективната клиника, свесна е, ориентирана и дише слободно.
„Во случај на појава на симптоми, граѓаните да не шетаат по јавноздравствените институции, туку да ги повикаат надлежните епидемиолози за да биде организирана мобилна екипа што ќе ги прегледа во домашни услови“, рече министерот Филипче.
Популарно од Македонија
Ново на Сител
-
Земјотрес почувствуван во Скопје
-
Ристески: Синдикатите да направат анализа за минималната плата што ја бараат, протестите се политикантство
-
Европол: Разбиена криминална мрежа што шверцувала кокаин од Јужна Америка во Исланд
-
Потпишан меморандум за воздухопловна соработка со Сингапур
-
Владата донесе одлука што ќе овозможи да се уреди паркирањето во Клиничкиот кампус „Мајка Тереза"
-
Мицкоски и Тошковски порачаа дека „никој не е над законот“ во случајот со запленетите 40 тони марихуана
-
Во Министерството за транспорт се одржа стручна јавна расправа за измените на Правилникот за урбанистичко планирање
-
Вештачење за „Онкологија“: Несоодветни терапии и хемотерапија во терминална фаза
