За околу 35 отсто ќе се зголеми вредноста на дежурствата во ковид одделенијата во ГОБ „8 Септември“

Вредноста на дежурствата на вработените во ковид одделенијата во ГОБ „8 Септември“ ќе се зголеми за околу 35 отсто со што постоечката вредност на дежурствата од 96 отсто, со измените би достигнала до 130 отсто.

Ова е договорено на денешната средба на министерот за здравство Венко Филипче со директорот на ГОБ „8 Септември“, Христијан Костов и претставници на синдикатот, информираа за МИА од Министерството за здравство.