За брзо возење 280 казни на територијата на цела држава

Во спроведената акциска контрола на територијата на Република Северна Македонија за санкционирање на возила кои се движат со брзина поголема од дозволената, вчера се санкционирани 280 возачи.

Од нив, информираа денеска од МВР, четири возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина. Притоа, 186 возила ја пречекорилe брзината во населено место, а 94 надвор од населено место.Сообраќајните контроли продолжуваат и во наредните денови.