За Албанија 10,56 милиони евра германска помош за справување со последиците од Ковид-19
Германската Влада ќе и додели на Албанија 10,56 милиони евра помош за справување со социо – економските последици од Ковид-19.
Ова на средба со албанската министерка за финансии и економија Анила Денај, го соопштил германскиот амбасадор во Тирана Петер Зинграф.
– Германија ќе и додели на Албанија дополнителен фонд од 10,56 милиони евра во рамки на економската и техничка соработка меѓу двете земји, за периодот 2020-2021 година, за справувањето со последиците од пандемијата со Ковид-19. Посебно средствата ќе бидат насочени кон поддршка на малите и средни претпријатија, нивниот развој и промоција, но и руралните области и стручното образование, изјавил Зинграф.
Министерката Денај високо ја оценила поддршката на германската влада и вниманието кон приоритетните сектори во земјата во изминатите години.
– Германија останува стратешки партнер за економскиот развој на нашата земја, но и во рамки на интегративните процеси кон ЕУ. Зголемениот ангажман и поддршка во ситуациите по земјотресот и пандемија, се доказ за силна билатерална соработка. Заедничките приоритети и ориентацијата на работата на Владата и германските партнери во најважните сектори во економијата и во животот на граѓаните, се клучни во континуираната соработка, истакнала Денај.
Двајцата искажале пофални зборови за текот на реформите што се преземаат во рамки на интеграцијата на Албанија во ЕУ и за време на германското претседавање со Советот на Унијата.
Ново на Сител
-
Тешка сообраќајка кај Влае – има повредени, едното возило преполовено
-
ЦУК: Два пожара на отворено, најавено минирање кај Бањица
-
Најмалку десет загинати во несреќа во Перу, автобус излетал од патот и се превртел
-
Пленковиќ тврди дека има повеќе од 76 пратеници за состав на влада
-
Најстудено утрово во Лазарополе
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците