-->
-->
Вујовиќ сепак останува во Загреб
-->
Веселин Вујовиќ останува тренер на ракометниот клуб ППД Загреб, откако ја повлекол оставката која ја поднел по поразот од Бешикташ во Истанбул (32:30), пренесува порталот „24sata.hr“. Црногорецот решил да ја поднесе оставката откако во понеделник имал разговори со клупското раководство и со ракометарите.
„Имав чувство дека играчите ме предадоа. Не можев да направам ништо за тие да реагираат на вистински начин и да направат нешто на тој натпревар. Мислев дека моето заминување може да биде знак за нивно будење. Тоа им го кажав на сите во клубот“, рекол Вујовиќ по состанокот со раководството кои целосно застана на страната на својот тренер.
„Бевме фаворити против Бешикташ и логични беа очекувањата дека ќе победиме. Одигравме многу лош натпревар. Сме бележеле порази и претходно, но не на начин на кој загубивме во Истанбул. Тој пораз вистински ме заболе“, дополнил Вујовиќ.
Црногорскиот стратег по состанокот со ракометарите рекол дека тие од него побарале да им пружи уште една шанса.
„Побараа уште една шанса за да ми покажат дека мечот со Бешикташ бил само лош ден. Кога подобро ќе размислам, на многу натпревари покажаа дека вредат. Немаше причини да заминам од Загреб, но стојам зад изјавата дека треба играчите да се разбудат и да се однесуваат одговорно на теренот. Вакви порази повеќе нема да толерирам. Поразот не е пораз доколку не дадеш сè од себе или доколку не се случи судиска кражба“, рекол Вујовиќ.
Во А групата, во Лигата на шампионите, по шест одиграни натпревари Загреб се наоѓа на петтото место со три победи и исто толку порази.
-->
-->
-->
Ново на Сител
-
Владата ќе ја одржи 65-тата седница
-
109 санкционирани возачи во Скопје
-
МЗ: ВМРО ДПМНЕ лаже, во лабораториите има и тестови и реагенси за Ковид-19
-
Лансет: Британската варијанта не предизвикува потешки форми на Ковид-19
-
ВМРО-ДПМНЕ: Заев со државни пари ги плаќа и децата на неговите коалициони партнери
-
СДСМ: Институциите водат неселективна и бескомпромисна борба против корупција
-
Д-р Беќаровски: Да се лежи во приватна болница од „превентивни причини" е одраз на „христијанска скромност" на владиците
-
ВМРО-ДПМНЕ: Државните лаборатории оставени без реагенси, граѓаните молат за термин за тестирање