Вучиќ: Под патронат на САД Косово создава силни, нелегални вооружени сили
Српскиот претседател, Александар Вучиќ, денеска изјави дека Косово создава исклучително силна воена сила и дека тоа го раководат САД, спротивно на меѓународното право и резолуцијата 1244 на ОН, нагласувајќи дека поради тоа, Србија мора драстично да ја зајакне својата војска.
-До 2027 година планираат да имаат 5.500 професионални војници во таканаречените Косовски безбедносни сили и 20.000 во резервите, рече Вучиќ за време на обиколката на Дежурниот оперативен центар на Воената безбедносна агенција (ВБА).
Српскиот претседател кажа дека тоа не е дозволено според меѓународното право и одлуката на Обединетите нации, но дека тоа нив не ги интересира „затоа што им се може“.
Тој прецизираше дека Косово добива најголема воена помош од САД, Турција, Германија, Велика Британија, но и од соседна Хрватска.
Според него, ситуацијата не е лесна бидејќи Србија е опкружена со земји членки на НАТО, чии сили се распоредени и во Босна и Херцеговина, која не е членка на НАТО.
-Мора да имаме силна армија, бидејќи без неа не можеме да постоиме како држава, нагласи Вучиќ.
Вучиќ изјави дека со дополнително вооружување на Косовските безбедносни сили се уништува меѓународниот правен поредок и дека целта, спротивно на резолуцијата 1244, не е само целосно отстранување на трагата на постоењето на Србија од територијата на Косово , туку и да се отстрани од него сиот преостанат српски народ.
Ново на Сител
-
Околу 600 вработени во централата на УСАИД во Вашингтон добија забрана за влез во Агенцијата откако Маск најави нејзино затворање
-
Во средните училишта се спроведува проект за популаризација на воената професија
-
Трите лица во Црвени Брегови пронајдени во импровизиран верски објект починале од труење со јаглерод моноксид
-
Петиција за затворање на Инстаграм-профилот на Јелена Карлеуша собра над 270.000 потписи
-
Првпат во државата извршена интервенција на пациент со скршен лакт, постигната стабилизација на зглоб и враќање на функцијата на целосни движења
-
Обвинителство: Вања е грабната во 7.29, Цитроенот запален во 9.30, а реното Кангу се враќа во седиштето на Десна
-
Коцевски за случајот со Фросина Кулакова: Против осомничениот се води постапка за најтешко кривично дело од областа на безбедноста на сообраќајот
-
Запален автомобил на јавен обвинител од Скопје