Вучиќ: Не сме заинтересирани за меѓусебно признавање со Косово
Српскиот претседател Александар Вучиќ изјави дека медиумите погрешно пренеле дека Европскиот парламент вчера има донесено резолуција во која се бара воведувае на санкции кон Русија, или во спротивно ќе и бидат ускратени пристапните фондови на ЕУ, оценувајќи дека ЕП донел само препораки, јави дописникот на МИА од Белград.
-Ако на 79 отсто од пратениците на ЕП барањето е да го признаеме Косово и дека е тоа најбитната препорака, ова само потврдува дека доколку воведеме санкции кон Русија, утре би не потапкале по рамето, а задутре веќе би се појавила нова резолуција за признавањето на Косово, изјави Вучиќ и додаде дека „не е заинтересиран за меѓусебно признавање со Косово“.
Тој оцени дека е важна суштината на текстот и дека „не се во прашање само санкции кон Русија, тоа што го бараат од нас е многу потешко од воведувањето санкции-тоа што го бараат е меѓусебното признавање“.
Како што посочи, „синоќа 20 минути до полноќ разговарал со Брисел 50 пати и дека на секој збор реагирал“.
Вучиќ порача дека „не е посебно возбуден и дека ќе продолжи да слуша што му кажуваат, и дека одлуките ќе ги носи со почитување на својот народ“.
Ново на Сител
-
Без вода дел од стар Аеродром
-
МВР: Нормализиран протокот на граничните премини, не е точно дека е вратен стариот систем на контрола на ГП Блаце
-
Трамп објави царини од 30 отсто за Мексико и Европската Унија
-
Мицкоски за можна вмешаност на функционер од ДУИ во пожарите: Aко се потврди вина, ќе биде проблем за некои!
-
Битолчанец фрлил експлозивна направа на улица, оштетил седум автомобили
-
Автомобил без контрола се движел кон полицајци, дрвокрадци рипнале од него во движење
-
Припадникот на АРМ бил убиен бидејќи неговата ќерка одбила да се мажи со лицето кое пукало
-
OJO бара притвор за напаѓачот на Арсовска