Вучиќ: Не би се потсмевал со чинот на Праљак, проблем се двојните аршини на ЕУ
Српскиот претседател Александар Вучиќ изјави дека на никаков начин не би се потсмевал со чинот на Хашкиот затвореник Слободан Праљак, кој вчера изврши самоубиство во судницата на Хашкиот трибунал и дека двојните стандарди на ЕУ се она што тој го гледа како проблем.
- Не би се потсмевал на тој чин ни на кој било начин и не би го нарекол кукавички, но би имал нешто да им порачам на луѓето во Европската унија за нивните двојни стандарди и зборови искажани за Србија и Хрватска во врска со последните пресуди", рече Вучиќ.
Тој додаде дека за тоа ќе говори денеска на состанокот со преставниците на земји од ЕУ.
- Ќе се обидам да им укажам на што е изложена Србија и како се прават слепи и глуви, а понекогаш и глупави, кога некои други се во прашање, истакна Вучиќ.
Осврнувајќи се на реакциите од регионот на последните пресуди на водачите на Херцег-Босна, Вучиќ рече дека останатите не гледаат со исти очи и со иста рамка, како што ние тоа го гледаме.
- Државното раководство на Србија акцентот го стави на иднината, не бегајќи од минатото и тешките прашања, не бегајќи од искажувањето почит кон жртвите, напротив, тоа беа нашите клучни реченици. Но, според реакциите од регионот, гледате дека никој иднината не ја спомна, изјави Вучиќ.
Тој изрази жалење што некои вчера се занимава со Србија и Србите.
- Се надеваме дека луѓето ќе разберат дека ние мораме да живееме заедно и да гледаме во иднината, а дали ќе знаеме како и дали ќе успееме е друга работа", рече Вучиќ.
Ново на Сител
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица
-
Сиљановска Давкова помилува десет осуденици
-
Штрајк на наставниците во Грција