Вучиќ: И покрај нападот, ја продолжувам политиката на помирување
Српскиот премиер Александар Вучиќ изјави за германскиот весник „Франкфуртер алгемајне цајтунг“, по повод нападот во Сребреница, дека нема да ја промени својата политика и оти мора да се создаде заедничка иднина за сите, па и, како што кажа, за неговите напаѓачи, јави Танјуг.
- Мора да создадеме заедничка иднина за сите, па и за луѓето кои ме нападнаа, изјави Вучиќ за весникот, кој на првата страница под наслов „Ја продолжувам политиката на помирување, наспроти нападот“, ја објави таа изјава.
- Нема да ја променам својата политика, мојата рака и натаму е пружена. Мораме да мислиме на иднината и да создадеме основа за подобар живот на Бошњаците и Србите, рече Вучиќ и додаде дека инцидентот уште повеќе го уверил дека сите напори мора да се вложат во помирување.
Освен тоа, Вучиќ изнесе обвинувања на сметка на босанско-херцеговската полиција.
- Наслутував дека ќе ме исвиркаат, сметав и на навреди, но не претпоставив дека ќе бидам изложен на организиран напад, а босанската полиција да не ме заштити, додаде Вучиќ.
Тој појасни оти српската делегација се сомневала во тоа дека полицијата на БиХ доволно добро ќе си ја заврши работата, па побарала заштита да преземе полицијата на Република Српска.
- Најнапред тоа ни го ветија, но неколку часа пред почетокот на комеморацијата ни кажаа дека полицијата на РС не смее да стапи на тлото на Меморијалниот центар, рече Вучиќ, кој говореше за подготвен и организиран напад.
Ново на Сител
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание