Вучиќ: Државата ќе го заштити мирот, Вулин - ова е обид за државен удар
Претседателот на Србија, Александар Вучиќ, им порача на граѓаните дека државата ќе може да „го заштити мирот и стабилноста и покрај криминалните, хулиганите, насилните напади“ кои, како што рече, „ги шокирале сите“.
Во видео порака на официјалниот профил на Инстаграм на Иднина за Србија, Вучиќ ги спореди синоќешните немири во Нови Сад со упадот на фашистичките единици во градот во 1941 година и ги замоли сите граѓани „во Белград и Нови Сад и сите други градови“ да не „се спротивставуваат на насилниците“.
„Ние, како држава, ќе го сториме тоа. Ќе го сочуваме мирот за нашата држава“.
Министерот за одбрана на Србија, Александар Вулин, коментирајќи ги синоќешните протести на улиците во Белград тврди дека има обид за државен удар и насилно преземање на власта и обид за предизвикување граѓанска војна во Србија.
Во изјава за ТВ Пинк тој нагласи дека нема причина да се запали Градската куќа во Нови Сад, да се напаѓа полицијата, да се тепаат луѓе на улиците и да се загрозат животите и имотот на граѓаните на Србија.
Најмалку 19 полицајци и 17 демонстранти се повредени во синоќешните протести во Белград против намерата да се воведе полициски час како мерка за борба со коронавирусот. Според лекари во Итната медицинска помош, нема тешко повредени лица.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија