Втор извештај од медиумското известување за Претседателските избори 2019
Непочитување на професиналните стандарди во вршење на дејноста кај ТВ Сонце во известувањето пред почетокот на изборната кампања, констатира Агенцијата за аудио и аудиовизуелни медиумски услуги (АВМУ) во Вториот извештај од мониторингот на медиумското известување за Претседателските избори 2019 година, што се однесува на периодот од 7 до 31 март 2019 година.
– Радиодифузерот за партијата Македонска алијанса издвои повеќе време во вестите отколку времето за сите други политички субјекти (партии и кандидати) заедно, со што го прекрши член 61 став 1 алинеи 9 и 13 од Законот за аудио и аудиовизуелни медиумски услуги – принципите за еднаков третман на различните гледишта и мислења, и за самостојност, независност и одговорност на уредниците, новинарите и другите автори при создавањето на програмите и креирањето на уредувачката политика, соопшти АВМУ.
Во Извештајот е наведено дека половина од вкупното време во вестите на Програмата на албански јазик на Македонското радио било посветено на трансмисија на информации за секојдневните активности на Владата.
Според АВМУ, од прилозите поврзани со изборите преовладувале информации за активностите на Државната изборна комисија, додека известувањето во дневно-информативните емисии го отсликувало дневниот тек на актуелните или актуелизираните теми од сферата на политиката, економијата, социјалата, здравството итн.
Во извештајот е анализирана 24-часовната програма на МРТ1, МРТ2, МР1 и Програмата на албански јазик на Каналот на етничките заедници на Македонско радио и на 11 телевизии на државно ниво.
Вториот извештај од медиумското известување за Претседателските избори 2019 е достапен на веб-страницата на Агенцијата (http://avmu.mk/).
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд