Времето денес променливо облачно со сончеви периоди и јужен ветер

Променливо облачно со сончеви периоди. Ќе дува слаб до умерен, а попладне вдолж Повардарието засилен ветер од јужен правец. Кон крајот на денот и во текот на ноќта во западните делови ќе има локален дожд. Минималната температура ќе биде во интервал од 0 до 7, а максималната ќе достигне од 14 до 22 степени.

Во Скопје променливо облачно со сончеви периоди.Ќе дува слаб до умерен ветер од јужен правец. Минималната температура ќе се спушти до 4, а максималната ќе достигне до 20 степени.

Од четврток следува период на променливо облачно време со повремени врнежи од дожд и засилен јужен ветер. Во петок и сабота во попладневните часови ќе биде нестабилно со поројни врнежи од дожд, на места пообилни проследени со грмежи и силен ветер.