Возило излета од патот Извор - Велес и удри во канал, пет лица повредени

Вчера во 18.00 часот на регионалниот пат Извор-Велес, пред крстосницата за с.Војница, патничко возило „Форд Галакси“ со велешки регистарски ознаки, управувано од З.А. (22) од с.Г.Јаболчиште, излетало од коловозот и удрило во земјен брег од канал за атмосферски води.

Притоа, со повреди се здобиле возачот и четири сопатници.

Тие со две возила на Итна медицинска помош биле пренесени во Општа болница Велес, каде по извршениот лекарски преглед тешки телесни повреди биле констатирани кај лицето И.А. (47) од с.Г.Јаболчиште, кој бил препратен во Комплексот клиники „Мајка Тереза“ во Скопје.

Останатите се здобиле со телесни повреди и биле пуштени на домашно лекување. Увид на местото на настанот извршила увидна екипа од Секторот за внатрешни работи Велес.