Возач на товарно возило не поседувал картичка за уред во запишување во патниот сообраќај

При извршена контрола на товарно моторно возило со тетовски регистарски ознаки во сопственост на правно лице од Тетово, на патниот правец Крива Паланка-Куманово полициски службеници од Мобилната единица за компезаторни мерки при Одделот за гранични работи и миграции, утврдиле дека возачот не поседува картичка за уред во запишување во патниот сообраќај, а тахографот на возилото е небаждарен.

Како што соопштуваат од МВР, за настанот е известен државниот инспекторат за транспорт од чија страна се изречени глоби во износ од 4000 евра.

-Денеска околу 15.30 часот од страна на полициски службеници од Мобилната единица за компезаторни мерки при Одделот за гранични работи и миграции, на патниот правец Крива Паланка - Куманово, запрено е товарно моторно возило „МАН" со тетовски регистарски ознаки сопственост на правно лице од Тетово, а управувано од И. К. од Крива Паланка. При извршена контрола на возилото, утврдено е дека возачот не поседува картичка за уред во запишување во патниот сообраќај, а тахографот на возилото е небаждарен со што возачот и правното лице сториле прекршоци по член 60 став 1.8 и член 57 ст.1.12 од Законот за работното време на мобилните работници во патниот сообраќај и уредите за запишување во патниот сообраќај. За настанот е известен државниот инспекторат за транспорт од чија страна се изречени глоби во износ од 4000 евра, се наведува во соопштението на МВР.