Вoорyжена група презеде турски нафтен танкер близу либиското крајбрежје, 11 заложници

Вооружена група Либијци презедоа турски нафтен танкер на две морски милји оддалеченост од брегот на Либија, пренесе ТАСС. 

Според телевизија Си-Ен-Ен Турк на бродот има екипаж од 11 луѓе, а грабнувачите бараат откуп.

Танкерот Хаџи Тели го напуштил турското пристаниште на 11 февруари, заминувајќи за Валета, Mалта. Танкерот пристигнал во либиското пристаниште Зуварах, при што шестмина вооружени лица, претставувајќи се како обезбедување се качиле на танкерот, објаснувајќи го чекорот како стандардна процедура. Подоцна, вооружените лица соопштија дека ќе го задржат пловилото, а единаесетте членови од екипажот се држат како заложници се додека не се плати откуп за нив.

Танкерот Хаџи Тели, во сопственост на турска компанија, бил изнајмен од либиски бизнисмен, кој требало во својата земја да увезе нафтени деривати во вредност од 433.000 долари.