Волц: Веќе се запрени воздушните напади врз руската и украинската инфраструктура
Советникот за национална безбедност на Белата куќа Мајк Волц изјави дека воздушните напади врз украинската и руската инфраструктура се веќе прекинати.
– Ќе има напредок. Веќе имаме инфраструктурен прекин на огнот кој стапи во сила веднаш по телефонскиот разговор на американскиот претседател Доналд Трамп со рускиот лидер Владимир Путин оваа недела, рече Волц во интервју за Фокс њуз.
Советникот на Трамп изјави и дека преговорите на САД со украинската и руската делегација во Саудиска Арабија продолжуваат и дека страните се блиску до склучување мировен договор.
– Се приближуваме и поблиску сме до договор од кога било досега, рече тој.
Волц истакна дека се започнало со разговорите меѓу Трамп, украинскиот претседател Володимир Зеленски и рускиот лидер Владимир Путин.
– И сега имаме состаноци на техничките тимови, всушност со Украинците и Русите во ист објект, кои водат индиректни преговори, рече тој.
Според него, на денешните разговори во Саудиска Арабија конкретно ќе се разгледа прашањето за прекин на огнот во Црното Море, „за да можат двете страни да транспортираат жито, гориво и да ја обноват трговијата во Црното Море“.
– А потоа ќе разговараме за деталите во врска со механизмите за верификација на прекинот на огнот, мировна мисија, замрзнувањето на непријателствата на линијата на фронтот што сега постои. И потоа, се разбира, за поширок одржлив мир. Ова може да биде дискусија за размена на територија за траен мир, рече Волц.
Ново на Сител
-
Клековски: На болничко лекување остануваат уште тројца од повредените во пожарот во дискотеката „Пулс“
-
Притворен уште еден осомничен од групата против која се води истрага за злосторничко здружување, даночна измама, даночно затајување и перење пари
-
Обвинение за насилството на фудбалски натпревар во Штип – татко физички нападнал малолетни играчи
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина