Војската на Мјанмар уби 80 демонстранти во градот Баго
Најмалку 80 цивили загинаа за време на оружената интервенција на армијата на Мјанмар на протестите во градот Баго против воениот преврат и апсењето на избраните членови на владата.
Според британскиот весник „Индипендент“, војниците во областа Ма Га Дит во градот Баго отвориле оган врз демонстрантите кои продолжиле да протестираат и покрај предупредувањата.
Очевидци тврдат дека војниците отвориле оган од тешко оружје врз демонстрантите и фрлале рачни гранати. Најмалку 80 лица се убиени во нападот.
Во градот Таму во Мјанмар, граѓаните поставиле заседа на воен конвој и убиле тројца војници.
Армијата на Мјанмар изврши воен удар на 1 февруари годинава и ја презеде власта во земјата под изговор дека изборите во ноември биле нерегуларни.
Војската прогласи едногодишна вонредна состојба и ги уапси владините лидери, вклучувајќи ја и премиерката на Мјанмар, Аунг Сан Су Чи.
Досега се убиени повеќе од 600 цивили за време на масовните протести поради пучот кои започнаа на 6 февруари. Уапсени се речиси 3.000 лица, а за 520 се распишани потерници.
Ново на Сител
-
Партиски препукувања за реформите во правосудството согласно планот за раст
-
Тема на денот со Дејан Мираковски, ректор на Универзитет „Гоце Делчев“
-
Tрамп со порака против независна Палестина
-
Експерти: Системската корупција е најголема безбедносна закана за државата
-
Филипче реагира на изјавата на Мицкоски
-
Секој петти Македонец живее во сиромаштија
-
Трамп денеска говори на ОН
-
Реакции по условната казна за онкологот Пешевска