Војската на Мјанмар уби 80 демонстранти во градот Баго
Најмалку 80 цивили загинаа за време на оружената интервенција на армијата на Мјанмар на протестите во градот Баго против воениот преврат и апсењето на избраните членови на владата.
Според британскиот весник „Индипендент“, војниците во областа Ма Га Дит во градот Баго отвориле оган врз демонстрантите кои продолжиле да протестираат и покрај предупредувањата.
Очевидци тврдат дека војниците отвориле оган од тешко оружје врз демонстрантите и фрлале рачни гранати. Најмалку 80 лица се убиени во нападот.
Во градот Таму во Мјанмар, граѓаните поставиле заседа на воен конвој и убиле тројца војници.
Армијата на Мјанмар изврши воен удар на 1 февруари годинава и ја презеде власта во земјата под изговор дека изборите во ноември биле нерегуларни.
Војската прогласи едногодишна вонредна состојба и ги уапси владините лидери, вклучувајќи ја и премиерката на Мјанмар, Аунг Сан Су Чи.
Досега се убиени повеќе од 600 цивили за време на масовните протести поради пучот кои започнаа на 6 февруари. Уапсени се речиси 3.000 лица, а за 520 се распишани потерници.
Ново на Сител
-
АХВ дел од првата GF-TADs регионална конференција за приоритетни прекугранични болести кај животните
-
ДИК ќе одржи жрепка за утврдување на единствена листа на кандидати за Локалните избори 2025
-
Почина италијанската фимска икона Клаудија Кардинале
-
Претседателката Сиљановска – Давкова на средба со Гутереш во Њујорк
-
Џими Кимел во емотивен монолог рече дека никогаш немал намера да ја омаловажи смртта на Чарли Кирк
-
ФИФА планира да го одржи Светското првенство во 2030 година со 64 репрезентации
-
Скопје меѓу десетте „најпотценети туристички дестинации“ во светот
-
ЕП: ЕУ мора да изврши институционални реформи за се подготви за прием на нови членки