Водата и калта од домовите во Стајковци во најголем дел исчистени

Водата и калта од домовите и дворовите во Стајковци во најголем дел се исчистени, речиси целата уништена покуќнина и градежниот шут се извадени од домовите и се транспортираат до привремената депонија кај клучката на обиколницата.
Ова го констатираа градоначалниците на Град Скопје и на Општина Гази Баба, Коце Трајановски и Тони Трајковски, по синоќешниот увид на терен, каде екипи на јавните претпријатија на Градот Скопје и Противпожарната бригада работат на нормализирање на состојбите по поплавите од 6-ти август.
Како што информира Град Скопје, механизација деноноќно работи на празнење на привремената депонија од која ѓубрето се носи до депонијата во Дрисла.
- Во депонијата моментно се носи сметот од повеќе населени места, бидејќи повеќето слични привремени депонии беа исчистени и повеќе не се користат со оглед дека беа лоцирани во дворовите на училишта кои се подготвуваат за почетокот на училишната година, се наведува во соопштението.
Од минатата недела почна и големата акција за реконструкција на сите улици и патишта кои беа оштетени од поплавата, со миење и тампонирање на улиците во сите населени места погодени од невремето.
Градоначалниците Трајановски и Трајковски извршија увид во чистењето на главните улици во Стајковци, како и во тампонирањето на споредните улици. Трајановски апелира граѓаните да се воздржат, зашто санирани ќе бидат сите улици, иако најпрво се тампонираат најприоритетните.
Во средата, Советот на Град Скопје донесе Одлука за воспоставување меѓуопштинска соработка меѓу Град Скопје и Општина Гази Баба заради остварување заедничка цел - изградба, реконструкција и санација на улици во населени места во Општина Гази Баба. Град Скопје ќе издвои 150 милиони денари за реконструкција на оштетената инфраструктура во реоните погодени од големите поплави.
Ново на Сител
-

Министерот Андоновски на промоција на порталот uslugi.gov.mk во Битола
-

Папата Лав Четиринаесетти ја посети Сината џамија во Истанбул
-

Бесплатни прегледи по повод месецот на машкото здравје во геријатриската болница во Скопје
-

Променливо облачно со сончеви периоди
-

Бројот на жртви во поплавите и лизгањата на земјиштето на островот Суматра достигна 248, соопштија локалните власти
-

Трамп соопшти дека ги поништил сите уредби и документи потпишани од Бајден
-

Состојба на патишта
-

Зеленски ѝ се обрати на нацијата по оставката на Јермак
