Во Виница ќе се гради Музеј на културата
Општина Виница ги привршува подготовките за реализација на проектот за изградба на Музеј на културата, кој ќе биде дел од културната и туристичката понуда на општината, заедно со музејот „Теракота“ и Виничкото кале.
- Подготовките се завршени, останува реализација на проектот кој ќе значи многу за културната историја на виничкиот крај. Во Музејот ќе бидат поместени сите облици на културно живеење во Виница од крајот на 19 век па се до денешни дни. Низ документи и фотографии, како и презентација на автентични предмети, музички инструменти и традиционални носии ќе биде прикажан културниот растеж на Виница низ минатите години, изјави градоначалникот Емил Дончев.
Во Музејот на кулртурата значајно место ќе имаат фолклорните ансамбли и групи од виничкиот крај, тамбурашкиот оркестар, градскиот машки хор, староградските пејачки групи „Јана“ и „Распеани виничани“, фолклорниот фестивал „Истибањско здравоживо“, меѓународниот фестивал на хумор и сатира „Ин Виница веритас“, како и други облици на културно живеење и делување во виничкиот крај.
Изградбата и опремувањето на Музејот на културата во Виница ќе биде реализарн со финансиски средства од буџетот на општината за оваа и наредната година.
Ново на Сител
-
Приватните превозници попладне ќе носат одлука дали од утре воопшто ќе возат
-
Преглед на вестите од светот
-
Матните настани за корупција, институциите да ги сфаќаат сериозно
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа