Во Велика Британија родени близнаци со различна боја на кожата
Новопечената мајка Шантел Бротон на популарната емисија „Добро утро, Британија“ раскажа како е да се живее со своите деца близнаци – синот Ајон и ќерка ѝ Азира, кои се родени на 30 април годинава.
Но, она што е занимливо за овие бебиња е тоа што имаат забележително различна боја на кожата. Роден со светла кожа и зелени очи, Ајон наликува на Шантел, додека Азира, која има кафени очи и потемен тен, повеќе личи на татко ѝ Ештон.
– На почетокот тоа не беше толку видливо. Тие беа прилично слични по тенот – едвај можеше да се види дека таа е малку потемна. Но, како што минуваа неделите и месеците, таа стануваше потемна и поцрна, а тој – посветол, објасни Шантел.
Ова е редок, но не и единствен случај, иако многумина од нивното опкружување, се изненадени од таа навидум „необична разлика“ меѓу близначињата.
– Сите се „шокирани“… Но, ние сме среќни. Ни се допаѓа што тие се малку поинакви и што таа личи на тато, а тој на мене, додаде гордата мајка.
Некои дури мислат дека бебињата имаат различни татковци, но д-р Амир Кан објасни како може да се родат близнаци со различна боја на кожа.
– Може да се случи два сперматозоида да оплодат две јајце-клетки. Бојата на кожата се состои од околу 20 различни гени и тоа е случаен избор – она што се наоѓа во еден сперматозоид не мора да биде исто како во друг, а тоа важи и за јајце-клетките, објасни тој.
Тоа е сосем ретко, но и според докторот, се случува во човековото општество.
Ново на Сител
-
Молк на Касами и БЕСА за пораката „Добредојдовте во главниот град на Албанците во Северна Македонија“
-
Анализа: Дали зачестените посети и притисоци ќе ја сменат одлуката на опозицијата?
-
У-21: Убедлив пораз од Летонија на турнирот во Анталија
-
Да се оправда фаворитската улога против Малта
-
Тема на денот со Елка Јачева Улчар
-
Шест годишно девојче почина додека примало инфузија во битолската болница
-
Германската министерка за надворешни во Скопје со порака за Уставот
-
„Ванчо Михајлов“ избришан, бугарските власти налутени