Во Велешко голем интересот за набавка на земјоделска механизација
Голем е интересот кај земјоделците од општините Велес, Градско и Чашка за Програмата за рурален развој за набавка на трактори и приклучна механизација.
Според Тони Тасков, раководител на Агенцијата за поттикнување на развој на земјоделството во Велес, од први јули досега се пријавиле педесетина земјоделци од овој регион.
- Најголем дел од нив се за набавка на трактори, а помал дел за приклучна механизација. Рокот е до 31 август и земјоделците се уште можат да конкурираат, информира Тасков.
Услов за добивање средства од Програмата е земјоделците да имаат минимум 15 декари житни, индустриски и фуражни култури или пет декари тутун, а тракторот кој може да го набават е со максимум 95 коњски сили.
Како што потсети Тасков, земјоделците од Велешко може да се обратат до Агенцијата и за ИПАРД програмата за набавка на механизација со средства од ЕУ. Повикот трае до 15 септември.
- Во првиот повик за ИПАРД се пријавија 46 земјоделци, најмногу за лозарство и овоштарство, за набавка на трактори, а тука може да се набават трактори со максимум 110 коњски сили, рече Тасков.
За двата конкурса, и за Програмата за рурален развој и за ИПАРД програмата, кандидатите кои ќе добијат средства ќе бидат познати до крајот на годинава.
Популарно од Бизнис
Ново на Сител
-
Медведев седми пат во кариерата елиминиран на стартот на Ролан Гарос
-
Иран објави три црвени линии во преговорите со САД
-
ЈПДП: Лентите за MTAG од 15 јуни ќе бидат исклучиво за корисници со електронски тагови
-
Автомобил се преврте на штипската улица „Панче Караѓозов“, по што заврши во двор на една од куќите
-
Мицкоски-Пленковиќ: Македонскиот пат кон ЕУ е исполнет со непринципиелни и неправедни блокади
-
Мотор влечел 12-годишно дете по улица во Драчево
-
Речиси 80 отсто од потрошувачката на струја во март е обезбедена од домашно производство
-
Три случаи на семејно насилство за едно деноноќие: приведени мажи во Битола, Куманово и Кичево
