Во Велес се превртел 78 годишен мотоциклист, констатирани тешки телесни повреди
Синоќа околу 19 часот, во месноста Шорка во Велес, се превртел 78 годишен мотоциклист кај кого се констатирани тешки телесни повреди, потврди за МИА, Верољуб Додевски, портпарол на СВР Велес.
Како што информира за МИА, д-р Страхил Тодоров, екипа на Итна медицинска помош, која била повикана, веднаш отишла на лице место и му укажала прва помош на мотоциклистот кој имал отворена рана на десна потколеница и расекотина на лев агол на устата.
Од СВР Велес велат дека синоќа околу 19 часот било пријавено дека на улица „Вардарска“ во Велес, мопед „апн 4“ со велешки регистарски ознаки, управуван од 78 годишниот Ѓ.Р. од Велес, излетал од коловозот. Во незгодата, како што велат оттаму, Ѓ.Р. се здобил со тешки телесни повреди, констатирани во болницата во Велес. Дополнуваат дека бил извршен увид на местото на незгодата.
Д-р Елеонора Јованова, портпарол на ЈЗУ Општа болница, за МИА информира дека 78 годишниот пациент бил донесен во Ургентниот центар на болницата, а лекарскиот тим кој го прегледал утврдил дека повредениот се здобил со фрактура на лицеви коски и фрактура на десна потколеница, и е задржан на болничко лекување во велешката Општа болница.
Ново на Сител
-
Прифатено и второто обвиниение за Васев
-
Кумановец со „молотов коктел“ запалил трева во Средорек
-
Три лица се приведени за управување на возило под дејство на алкохол
-
Израел ги проширува операциите во централна Газа
-
Трипуновски: Земјоделците, задругите и преработувачите да ја поддржат кампањата „Македонско најдобро”
-
Успешно евакуиран повреден планинар кај камењарот на Пелистер
-
Кремљ: Путин е подготвен да разговара за мир во Украина, но сака да ги постигне своите цели
-
Мицкоски: На потегот од Климештани до Охрид вклучени 1 100 -1 200 работници, над 400 камиони и повеќе од 100 булдожери