Во Велес се намалува бројот на заболени од сезонски грип и овчи сипаници
Во последната недела од јануари се регистрирани 17 заболени од сезонски грип. Вкупниот број болни од грип во текот на изминатиот месец изнесува 360, покажуваат податоците на ЈЗУ Центар за јавно здравје.
Како што информира епидемиологот др Билјана Трајкова, меѓу заболените едно дете било на возраст до 4 години и едно во групата до 14 години, а 15 заболени биле во групата од 15-64 години.
Таа посочи дека избегнато е стравувањето дека стартот на второто полугодие за учениците ќе го зголеми бројот на заболени од сезонски грип.
- Инаку во трите претходни недели беа регистрирани 343 болни од сезонски грип од кои најголем дел 210 во првата недела. Споредено се декември кога имаше рекордни 1.756 заболени, бројот на болни драстично се намалува, потенцира Трајкова.
Воедно, таа информира дека изминатата недела опаднал и бројот на заболени од овчи сипаници, во јануари биле регистрирани 36 заболени, а во декември 190, главно деца од претшколска и школска возраст.
- Лани беа регистрирани вкупно 871 заболени од овчи сипаници или варичела што беше и најмногу во последниве десетина години.По тој налет на болеста која е циклична со максимален број на заболени на секои четири до пет години, во последниве денови таа веќе драстично се намалува, додаде Трајкова
Ново на Сител
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен